انه كلما التقي ابصاحب الي
عباس طريم

انه كلما التقي ابصاحب الي

اركع الربي واكولن

ياسلام

+

هذه هو اللي يصح بيه الحجي

هذه اخوي اللي اشد

بيه الحزام

+

هذا بيه الزود والود يرتجي

اليوم اكولن عدي صاحب

من تمام

+

من يعاهد , يصدك ويلجي لجي

وبالمواقف فارس , وفارس

همام

+

هذه هيل , وهذه تمن بزمجي

ومن يزامط , عنتري ما

في كلام

+

هذه كول وفعل , مو طرك الحجي

لو ولتنه الكوم يتلكه

السهام

+

منه كل الخير , اتامل يجي

وابوسط كلبي اخليله

مقام

+

وافرش ضلوعي اذا يوم -ن يجي

حته وسط الكلب

والجلوه ينام

+

لو يريد الروح , اكلله بلي

وابده عدي ايصير , حته

من العمام

+

هذه طبعي , وهذه دربي اومنهجيي

غير هذه الطبع , ما اعرف

حرام

+

للاسف ما شفت غير العربجي

بيهم , وبس الزبايل

والركام

+

ربعي طلعو . بين اكبر سختجي

وبين ما يميز الحلال ,امن

الحرام

+

واللي يضغط عالجروح اوينتجي

ويدعي ربه الجرح مالي ايكون

سام

+

وبين صاحب بالنهار , اكبر وفي

وينكلب شامت , اذا حل

الظلام

+

وبين من يتمنه ,الاكي اللبجي

وكون يخبزني خبز , بين

الانام

 

+

ذوله ربعي .. الجنت ابجيهم , بجي

ما شفت منه مواقف ..

والسلام

 

______

" العربجي "في الاصل العربجي ,هو من يقود عربة يجرها حصان او حمار داخل المدينة .

ويطلق على الشخص الذي يتمتع بشخصيه . غير مبالية بشيء ابـدا ، يفعـل أي شيء بدون أي حساب لأي شخص , لا يتبع الذوق العام في التعامل وعادة لا يرضى عنه الناس .

" سختجي " هذه الصفة التركية , تطلق على كل غشاش يدهن لسانه بالعسل، في حين أن أفعاله بطعم السم.

" لبجي " الجذر , لبج يلبج: لبجا. ضربه : وصرعه، ورماه أرضا, بالعصا ضربا مبرحا.

الموضوع السابق البقيع!!!

قناتنا على التلغرام : https://t.me/kitabat