اَنه ابلياچ حاير يا ضوه العين
سعيد الفتلاوي

تمنيتچ . ييمّه . بْگربي . . هاليوم 

اَلج باسمچ يروحي وْگلبي مالوم

.

شفت . بعدچ . مآسي . وْ لوعه والام 

وْعشت اصعب ليالي وْ حالي معدوم

.

يوجه الخير. يا نور . مْن . الانوار 

بدر وجهچ ييمّه ايزيل الِغموم

.

اَنه .ابلياچ حاير . يا ضوه . العين 

الي چنتي السند مو يمّي الِهْموم

.

يروحي وْ كل حياتي وْ اغله الاحباب 

ازل . حزني . عليچ . وْ باقي للدوم

.

ولا لحظه . نسيتچ .. ذكرچ .. وْياي 

رسم وجهچ اشوفه بْيقظه والنوم

.

وْصَده الْصوتچ اسمعه مْن ادعي بالليل 

بصلاتك . يبني . لا تنساني. والصوم

.

يهل . دمعي . وْاناشد. ربّ . الِعْباد 

بِسِم طه ارتجيته وْ دمعي مدموم 

.

دعائي يالعزيز . وْانت رجواي 

گبر امي يضَوّي مثل الِنْجوم

.

وْعليك اقسم الهي بْعلي الكرار 

ابو الحسنين درّ وْ بحر الِعْلوم

.

تِخَلّيها . بْجنانك . . ويّه . . الاطهار 

رجيتك يالهي وْ گلبي مهضوم

الموضوع السابق يَا أَيُّهَا السياسيون...

قناتنا على التلغرام : https://t.me/kitabat