فاجعة طف كربله
سعيد الفتلاوي

 فاجعة طف كربله أعظم مصيبه
اِلحرم والعايله بلايه شبيبه
.....................
هم شفت ياللي تشك حادث مثلها
اِقسِم بروح القدس واذكر بطَلْها
ونت تعرف زين ماضيها واصِلْها
ملحمة ابطال للعتره الحبيبه
.....................
سجل التاريخ ايام وحفظها
يبقه عاشوراء ذكراه بلفظها
كربله الهل يوم حزنانه وارضها
روح انت وزور هالارض العجيبه
.....................
ترْبتچ اتعنه واشكيلچ همومي
تربه بيها اطهار اقماري ونجومي
وْبيها تشفه امراض تعجها العلومي
هايَ اغلى علوم قصّتها الغريبه
.....................
بيا نبي ويادِين مرّت هالفجيعه
اقره انت وشوف حاجج من تطيعه
غالي دين الله ما نگدر نبيعه
نضحي لاجله ارواح من يجرأ يصيبه
.....................
هم سمعت بناس بغضوا بت نبيهم
راجع الاخبار واعرف من تبيهم
شعملوا الظلَام بلآل وسبيهم
ربنه يالجبّار عالحاقد حسيبه
.....................
كل شباب الطاح عالغبره بسببهم
مارعوا اطفال من يسلب يسبهم
تعله صيحات اليتامى من ضربهم
تخسه هالاشرار والحملة المريبه
.....................
ونذكر اللوعات عالطفل الرضيعي
بيا ذنب مذبوح هالشبل الوديعي
نشكي هالافعال للباري السميعي
تحين ساعه حساب كل ظالم يجيبه
 

الموضوع السابق الغدير في الشعر

قناتنا على التلغرام : https://t.me/kitabat