ردا على من يحاول سرقة جهود المجاهدين بفتوى الجهاد الكفائي
هيثم ابو زينب

 مانعتب على الغير التاريخ الحاضر غيروه لبعده اخضر

واحد صار قائد للحشد زور والمختار صار وعنده عسكر

واحد كال لولانه انته الدين وداعش بالمراقد هسه يفتر

نذكركم اذا هيج انتو ناسين والحادث قريب العل بلد مر

من سقطت الموصل ويه تكريت او وصلو لبو غريب وبوشكم جر

ماشفنه ولا مختار موجود وابو عمره غياب وابن الشتر

جن فوك الرؤوس معشعش الطير وحتى انفاسكم مابقت تنجر

وجا طاح الخليج وطاحت الشام وجا داعش ابطن ايران عسكر 

وبفتوى الجهاد اتغير الحال وبرز عباس مره ومره الاكبر

ومشت شيب وشباب اتصيح لبيك ياسيد علي للدين نثأر

تلومون الذي غير التاريخ شبيكم هذا حاضر والفجر طر

الشهم والعنده غيره وصاحب اخلاق نوبات بحبائل سيفه ينجر

ولكم دبس كافي شكد تهذرون الرجل مو بالتهوس شأنه يكبر 

الجلب.. الله يجلكم ينبح هواي بس الاسد هيبه ومره يزأر

نوبات الشجاعة بجرة السيف ونوبات الشجاعة بكسرة الشر

علي السستاني بخته من السماوات والمايسطبيله ابخته يعثر

الموضوع السابق تأملات في القران الكريم ح316 سورة سبأ الشريفة

قناتنا على التلغرام : https://t.me/kitabat