حوار مع مُظفّر النوّاب
سيمون عيلوطي

حُزني أنا شاعر انْتَ تِعْرِفو

خايف لَجُرْحي عَنّي

تِبْقى تِنزِفو ..

ضَمِّيت هَمّي عا هُمومَك

وِسْهِرِت ْ

تَ شْعاري بِدْيو للشّعِر ..

يِتْوَلّفو .

 

***

صوتَك يِجيني مِنْ وَرا

حْدود الزّمان

حامِل – لَ رُبْع الخالي -

أحْلام الأمان ..

بُلْبُل هَديت الصّايِع ْ اللي في عُمان

تَجْناحو عا دِكّةْ مَليك

يْرَفْرِفو .

 

***

لا تْقول ما بِتْذَكّرَك

إلاّ الطّريق

بَعْد – احْتِفال النّفْط –

إلْ فِيّو الصّديق

بَدَّل الدّرْب وْغرِّق...

بْعار الغَميق

مَعْ كِلْمِتَك هَالكاحْتين

يْوَقّفو .

 

***

حامِلْ حَلَق بَغْداد ..

شُفْتَك عَ الفَرَس

تِهْديه لأهْل الشّام صَدّوك الحَرَس

كُل مَ الحَرِب ...

عَ بْلادَك تْدُق الجَرَس

بِيْلاحِقوك وْبِالسّحِق ...

مَ بْيِكْتِفو .

 

***

نْجوم السّما نَزّلْتْها عا قَمْرِتَك

صَحْرا العَرَب تِضْوي

لَتَنْها مُنْيِتَك

تِطْلَع شَجَر .. تِطْلَع ثَمَر ..

لَثَوْرِتَك ...

وِتْهِد شيطان الظّم

وِتْشَقّفو .

 

(في القصيدة بعض الاشارات من شعر النوّب)

 

الناصرة

 

الموضوع السابق النفاق

قناتنا على التلغرام : https://t.me/kitabat