"زرعنا لَوْ.. طِلْعَت يا ريت*".!!
سيمون عيلوطي

(كتبت هذه المقطوعة اثر حوار دار بين الشاعر والمطربة  القديرة دلال أبو آمنة 

حول اغنية الفرح)

 

بتمنّى زهرة              

نيســان

عَ البسمِه تْزهّر

نوّار

وتْصير بْقلبي

ألــــحان

ترافقني

بْأحلى مشوار

يمكن نسمات

البستان

تحمل جنحان

الكنـــار

بَلْكي تتماوج

ألـــوان

قُدّامي

مثل الأزهــــار..؟!

 

***

 

قطـرات النّدى

بتهــــف

بتخايلها

عَ الوردات

والعصفورة

تيجي تْرف

تْوشوشني

أحلى هَمسـات

عن نبعتنا قَبْل تْجف

وعن شـمسـتنا

والفيّات

عا ساحتنا

كيف تْهِــف:

أتذكّرها

ليــــل  نْهــار

 

****

 

عا غَناني العصـافـير

دغشِه

مع طلات النّور

نتزل جــارتنا

بكّــــير

حول البير

تْصير تْدور

تلقاني بريشِة

تصـوير

أرسـم طيـاره

وشختـور

تَ نْسافر فيهن

ونطير

والجّـاره تحكـي

للجّـار

 

****

 

يا عيني عا هالأيّـــــام

فيها فرحتنا

بتْـدوم؟!!..

وللا هي وعْد

وْأوهام

عــا شــبر ميّـه

بتعـوم؟؟..

لو مرّه يْفـــل الظّـــلام

عن دربي

ترحل لِغْيوم

والفرحه مَ تكون احلام

تنمنـاها زْغــــار

كْبــار!!

*

* زرعنا لَوْ.. طِلْعَت يا ريت: مثل شعبي معروف

 

 (الناصرة) 19/5/2012

الموضوع السابق ج 13 ـ رواية رسالة منتظرة

قناتنا على التلغرام : https://t.me/kitabat